ریکہ کی جنگ مسلمانوں اور اسلام کے خلاف ہے، امریکی اتحاد سے نکلے بغیر امن قائم نہیں ہوسکتا، لوئر دیر میں خطاب وبات چیت
اتوار 22 مئ 2011
انہوں نے کہا کہ دو مئی کے واقعہ کے بعد پارلیمنٹ کے مشترکہ اجلاس کے نتیجے میں قرار داد کی سیاہی خشک نہیں ہوئی تھی کہ سینیٹر کیری کی موجودگی میں ایک اور ڈرون حملہ ہوا اور ان حملوں کا سلسلہ تاحال جاری ہے انہوں نے واضح کیا کہ پارلیمنٹ کی قرار داد کے باوجود ڈرون حملوں کا نہ روکنا اور مقتدر قوتوں کی خاموشی پر قوم پریشان ہے۔
اتوار 22 مئ 2011
لوئیر دیر۔جماعت اسلامی کے سابق امیر قاضی حسین احمد نے کہا ہے کہ امریکہ کی جنگ مسلمانوں اور اسلام کے خلاف ہے امریکی اتحاد سے نکلے بغیر امن قائم نہیں ہوسکتا۔ ان خیالات کا اظہار انہوں نے لوئیر دیر کے ہیڈ کوارٹر تیمر گرہ میں جامعہ احیاء العلوم میں ختم بخاری شریف کے موقع پر خطاب اور بعد ازاں صحافیوں سے گفتگو کے دوران کیا۔
انہوں نے کہاکہ سانحہ ایبٹ آباد ملکی خود مختاری پر کھلا حملہ ہے اس امریکی دہشت گردی کو روکنے کے لئے واضح قومی پالیسی اپنانے کی ضرورت ہے ،قاضی حسین احمد نے کہا کہ ایبٹ آباد واقعہ ہماری سکیورٹی اداروں کی مکمل ناکامی ہے اور ان پس پردہ کرداروں کو قوم کے سامنے لایا جائے ایک سوال کے جواب میں قاضی حسین احمد نے واضح کیا ہے کہ امریکہ میں ڈاکٹر عافیہ صدیقی کی سزا اور سانحہ ایبٹ آباد کے بعد بھی نیٹو کو سپلائی جاری ہے نیٹو کو سامان رسد کی پاکستان کے راستے فراہمی قوم کے زخموں پر نمک چھڑکنے کے مترادف ہے ۔انہوں نے کہا کہ دو مئی کے واقعہ کے بعد پارلیمنٹ کے مشترکہ اجلاس کے نتیجے میں قرار داد کی سیاہی خشک نہیں ہوئی تھی کہ سینیٹر کیری کی موجودگی میں ایک اور ڈرون حملہ ہوا اور ان حملوں کا سلسلہ تاحال جاری ہے انہوں نے واضح کیا کہ پارلیمنٹ کی قرار داد کے باوجود ڈرون حملوں کا نہ روکنا اور مقتدر قوتوں کی خاموشی پر قوم پریشان ہے۔
No comments:
Post a Comment